चीनद्वारा 'याओगान-५० ०३' रिमोर्ट सेन्सिङ भूउपग्रह अन्तरिक्षमा प्रक्षेपण

चीनले शुक्रबार आफ्नो नयाँ रिमोट सेन्सिङ भूउपग्रह सफलतापूर्वक अन्तरिक्ष कक्षामा स्थापित गरेको छ। 'याओगान-५० ०३' नाम दिइएको उक्त भूउपग्रहलाई अन्तरिक्षमा लैजान परिमार्जित लङ मार्च-६ रकेटको प्रयोग गरिएको थियो। यो प्रक्षेपण उत्तरी चीनको सान्सी प्रान्तमा रहेको ताइयुआन भूउपग्रह प्रक्षेपण केन्द्रबाट भएको हो। प्रक्षेपणलगत्तै भूउपग्रह आफ्नो पूर्वधारित कक्षीय मार्गमा प्रवेश गर्न सफल भएको छ। यस्ता प्रकारका रिमोट सेन्सिङ भूउपग्रहहरू अन्तरिक्ष कक्षाबाटै सिधै पृथ्वीको सतहसम्बन्धी तथ्याङ्कहरू सङ्कलन गर्न सक्षम हुन्छन्, जसले जमिनको निगरानीका विभिन्न क्षेत्रमा महत्त्वपूर्ण जानकारी उपलब्ध गराउँछन्। चिनियाँ अधिकारीहरूका अनुसार भर्खरै प्रक्षेपण गरिएको याओगान-५० ०३ भूउपग्रह मुख्य रूपमा भूमि संसाधनको सर्भेक्षण गर्न र कृषि बालीको उत्पादन अनुमान गर्न प्रयोग गरिनेछ। यसका साथै, सङ्कलित तथ्याङ्कले वातावरणीय निगरानी, प्राकृतिक प्रकोपको आकलन, पूर्वतयारी तथा प्रभावित क्षेत्रहरूमा गरिने राहत कार्यमा सहयोग पुर्‍याउनेछ।