जनकपुर बोल्ट्स र फेमस स्टिलबीच प्रायोजन सम्झौता

जनकपुर बोल्ट्सले आइतबार औपचारिक कार्यक्रमका बीच फेमस स्टिल एन्ड होम एप्लायन्सेससँगको व्यावसायिक सम्बन्धलाई नवीकरण गरेको छ। नयाँ सम्झौताअनुसार यो संस्था चालू सिजनभर टोलीको मुख्य प्लाटिनम प्रायोजकका रूपमा रहनेछ। यसका साथै कम्पनीले टोलीको आधिकारिक किचन तथा होम एप्लायन्सेस पार्टनरको जिम्मेवारी पनि सम्हालेको छ। दुवै संस्थाका उच्च अधिकारीहरूको उपस्थितिमा आयोजित कार्यक्रममा सम्झौता पत्रमा हस्ताक्षर गरिएको हो। जनकपुर बोल्ट्सको तर्फबाट मुख्य कार्यकारी अधिकृत निरज खतिवडा र फेमस स्टिल एन्ड होम एप्लायन्सेसका प्रबन्ध निर्देशकले सम्झौता पत्रमा हस्ताक्षर गर्नुभएको छ। यससँगै दुई संस्थाबीचको सहकार्य लगातार दोस्रो सिजनमा प्रवेश गरेको छ। हस्ताक्षर समारोहपछि फेमस स्टिलका प्रबन्ध निर्देशक साहिद अख्तरले जनकपुरको फ्रान्चाइज टोलीसँग दोस्रो वर्ष पनि सहकार्य गर्न पाउँदा गर्व लागेको बताउनुभयो। हरमीत सिंहलाई कप्तान चयन गरिसकेको जनकपुर बोल्ट्सले चालू सिजनमा आफ्नो व्यावसायिक र खेलकुद गतिविधि अघि बढाउने लक्ष्य राखेको छ।