राष्ट्रिय स्वतन्त्र पार्टीका सभापति लामिछाने भारत भ्रमणमा

राष्ट्रिय स्वतन्त्र पार्टीका सभापति रवि लामिछाने तीनदिने निजी भ्रमणका लागि छिमेकी राष्ट्र भारततर्फ जानुभएको छ। उहाँको सचिवालयले दिएको जानकारी अनुसार यस यात्रामा उहाँसँगै पत्नी निकिता लामिछाने र मन्त्री प्रतिभा रावल पनि सहभागी हुनुहुन्छ। यो भ्रमणलाई पूर्ण रूपमा पारिवारिक तथा धार्मिक प्रकृतिको भनिएको छ। भ्रमणका क्रममा टोलीले कुनै पनि आधिकारिक वा कूटनीतिक भेटघाटमा सहभागिता नजनाई विशुद्ध रूपमा धार्मिक स्थलहरूको दर्शन तथा पूजाअर्चनामा केन्द्रित रहनेछ। निर्धारित तालिका अनुसार उहाँहरूले उत्तराखण्डको नैनीतालमा अवस्थित कैंची धाममा पुगी पूजा गर्नेछन्। यसबाहेक, असमको गुवाहाटीमा रहेको कामाख्या मन्दिरमा पनि पुगेर धार्मिक विधिमा सरिक हुने कार्यक्रम रहेको छ। सचिवालयले पुष्टि गरे अनुसार सभापति लामिछाने र उहाँसँगै रहेका अन्य सदस्यहरू तीन दिनको यो धार्मिक यात्रा पूरा गरेर पुनः नेपाल फर्कनेछन्।