लुम्बिनी लायन्सद्वारा सुदूरपश्चिम रोयल्स पराजित

सोमबार कीर्तिपुरस्थित त्रिवि अन्तर्राष्ट्रिय क्रिकेट मैदानमा भएको तेस्रो नेपाल प्रिमियर लिगको उद्घाटन खेलमा डिफेन्डिङ च्याम्पियन लुम्बिनी लायन्सले सुदूरपश्चिम रोयल्सविरुद्ध ७ विकेटको जित दर्ता गरेको छ। लुम्बिनीका कप्तान रोहित पौडेलले टस जितेर पहिले फिल्डिङ गर्ने निर्णय गरेका थिए। लुम्बिनीको बलिङ आक्रमणले सुदूरपश्चिम रोयल्सलाई १७.२ ओभरमा ८७ रनमा अलआउट गर्‍यो। तीव्र गतिका बलर किशोर महतोले ४ ओभरमा २८ रन खर्चेर ४ विकेट लिए भने स्पिनर शेर मल्लले ४ ओभरमा ११ रन दिएर ३ विकेट हात पारे। कप्तान पौडेल, साड्ली भान साल्कविक र तिलक भण्डारीले एक-एक विकेट लिए। ८८ रनको लक्ष्य पछ्याउने क्रममा लुम्बिनी लायन्सले ९.५ ओभरमा ३ विकेटको नोक्सानीमा ९१ रन बनाउँदै ६१ बल बाँकी रहँदै खेल पूरा गर्‍यो। खेल सुरु हुनुअघि प्रधानमन्त्री बालेन्द्र शाहले अम्पायरलाई म्याच बल हस्तान्तरण गर्दै प्रतियोगिताको औपचारिक उद्घाटन गरेका थिए।