माल्दिभ्समाथि नेपालको २४–१८ गोलको जित

आईएचएफ नेसन्स वुमन्स ट्रफी २०२६ जोन-२ प्रतियोगिता अन्तरगत मंगलबार भएको दोस्रो खेलमा नेपालले आफ्नो पहिलो जित दर्ता गरेको छ। बंगलादेशको ढाकामा जारी अन्तर्राष्ट्रिय ह्यान्डबल प्रतियोगितामा नेपालले माल्दिभ्सलाई २४–१८ गोलको अन्तरले पराजित गरेको हो। यस जितमा योगदान पुर्याएकी विमला तामाङ प्लेयर अफ द म्याच घोषित भइन्। अन्तर्राष्ट्रिय ह्यान्डबल महासंघको आयोजनामा भइरहेको यस क्षेत्रीय प्रतियोगितामा जोन-२ का राष्ट्रिय टोलीहरू सहभागी छन्। प्रतियोगिताको पहिलो खेलमा नेपाल आयोजक राष्ट्र बंगलादेशसँग पराजित भएको थियो। मंगलबारको खेलसँगै प्रतियोगितामा नेपालको एक जित र एक हारको नतिजा रहेको छ। राष्ट्रिय टोलीले आफ्नो आगामी खेलमा बुधबार भारतको सामना गर्नेछ। जोन-२ को अंक तालिकामा स्थान बनाउनका लागि बंगलादेशी राजधानीमा अहिले प्रतियोगिताका खेलहरू भइरहेका छन्।