नयाँ नेतृत्वका लागि बिहीबार बिहानदेखि मतदान सुरु हुँदै

निर्वाचन समितिका अनुसार नयाँ नेतृत्व चयनको प्रक्रिय अन्तर्गत मतदान बिहीबार बिहान १० बजेदेखि थालिनेछ। मतदान प्रक्रियालाई सहज र व्यवस्थित बनाउन सहभागीहरूका लागि प्रदेश तथा प्रतिनिधि समूहका आधारमा छुट्टाछुट्टै मतदान स्थलको प्रबन्ध मिलाइएको छ। निर्वाचन समितिका अनुसार सबै मतदातालाई तोकिएको स्थानमा उपस्थित भई मतदान गर्न सूचित गरिएको छ। बागमती प्रदेशबाट प्रतिनिधित्व गर्ने सहभागीहरूले राष्ट्रिय सभागृहमा पुगेर आफ्नो मताधिकार प्रयोग गर्नेछन्। त्यस्तै कोशी, मधेस, कर्णाली तथा सुदूरपश्चिम प्रदेशका प्रतिनिधिहरूलाई मतदान गर्नका लागि सहरका खुला चौरहरूमा मतदान स्थलहरू तयार पारिएका छन्। निर्वाचन समितिले जनाएअनुसार विभिन्न भ्रातृ संस्था, शुभेच्छुक समूह तथा जनसम्पर्क समितिका प्रतिनिधिहरूले पनि खुला मैदानमै तोकिएको स्थलमा मतदान गर्नेछन्। यी विभिन्न समूहलाई व्यवस्थित ढंगले मतदान गराउन छुट्टाछुट्टै व्यवस्था मिलाइएको छ। गण्डकी तथा लुम्बिनी प्रदेशका प्रतिनिधिहरू वास्ते प्रज्ञा भवनलाई मतदान स्थल निर्धारण गरिएको छ। निर्वाचनमा सहभागी हुने सबै योग्य प्रतिनिधिहरूले आफूलाई तोकिएको सम्बन्धित मतदान स्थलमा पुगेर मत खसाल्नुपर्ने व्यवस्था गरिएको छ।