गुल्मीमा बाढी, पहिरो र हावाहुरीले ११ परिवार विस्थापित

गुल्मीमा केही दिनदेखि जारी लगातारको वर्षाले बाढी, पहिरो र तीव्र हावाहुरी निम्त्याउँदा ११ परिवार प्रभावित बनेका छन्। यस विपद्का कारण विभिन्न स्थानमा भौतिक संरचनामा क्षति पुग्नुका साथै सर्वसाधारण घरबारविहीन भएका छन्। रुरुक्षेत्र गाउँपालिका-१ रिडीस्थित क्षेत्रमा कालीगण्डकी नदीको बहाव उच्च भएपछि त्यहाँ पसल थापेर बसेका बासिन्दाहरू जोखिममा परेका थिए। नदीको खतरा बढेपछि स्थानीय प्रशासनले उनीहरूलाई सुरक्षित स्थानतर्फ स्थाानांतरण गरेको छ। त्यस्तै, मुसिकोट नगरपालिका-१ मा वर्षाका कारण एक स्थानीयको कच्ची गोठ भत्किँदा पशुचौपाया मरेका छन्। मदाने गाउँपालिका-६ मा पनि आएको हुरीले घरको छानो उडाउँदा अर्को एक परिवार विस्थापित हुन पुगेको छ।