स्वाफ्ट टेक्नोलोजीले जित्यो आईएमई ग्रुप सिर्जी कप २०८३ को उपाधि

स्वाफ्ट टेक्नोलोजीले आईएमई ग्रुप सिर्जी कप २०८३ को च्याम्पियन ट्रफी उचाल्न सफल भएको छ। काठमाडौंस्थित धनवन्तरी फुटसल मैदानमा भएको फाइनल खेलमा आईएमई वारियरविरुद्ध ५–१ को निर्णायक जित हासिल गर्दै स्वाफ्टले उपाधि जितेको हो। उक्त प्रतियोगितामा आईएमई ग्रुपको कर्पोरेट संरचनाअन्तर्गत सञ्चालित विभिन्न १८ वटा कम्पनीहरूको सहभागिता रहेको थियो। मुख्य खेलहरू हुनुअघि उद्घाटनको अवसरमा आईएमई ग्रुपको व्यवस्थापन टोली र विभिन्न कम्पनीका प्रमुख कार्यकारी अधिकृतहरूको टोलीबीच एक रोमाञ्चक उद्घाटन खेल खेलिएको थियो। सो प्रारम्भिक प्रतिस्पर्धामा व्यवस्थापन समूहले कार्यकारी अधिकृतहरूलाई २–० गोल अन्तरले पराजित गर्दै विजयी बनेको थियो। सिर्जी कपको उद्घाटन समारोहलाई सम्बोधन गर्दै संस्थापक अध्यक्ष चन्द्रप्रसाद ढकालले प्रतियोगिताले संस्थाका सम्पूर्ण कर्मचारीहरूबीचको आपसी सम्बन्धलाई अझ प्रगाढ बनाउने विश्वास व्यक्त गरेका छन्। डिसहोम अन्तर्गत सञ्चालित एक्सन स्पोट्र्स एचडी वानमार्फत यस सम्पूर्ण खेलकुद कार्यक्रमको प्रत्यक्ष टेलिभिजन प्रसारण गरिएको थियो।