हरितगृह ग्यास उत्सर्जन कटौती गर्न संयुक्त राष्ट्रसंघको आग्रह

संयुक्त राष्ट्रसंघका प्रमुखले विश्वको तापमान १.५ डिग्रीभन्दा माथि जान नदिनु जटिल बन्दै गए पनि तापमान वृद्धिको असर र अवधि घटाउन हरितगृह ग्यास उत्सर्जनमा तत्काल ठूलो कटौती गर्नुपर्ने बताएका छन्। एन्टाल्यामा मन्तव्य राख्दै उनले जलवायु संकटमा अति कम भूमिका भएका क्षेत्र र जनताले नै सबैभन्दा कडा असर भोगिरहेको स्पष्ट पारे। महासचिवले औद्योगिकीकरण भएका राष्ट्रहरूलाई यसअघिका कोप शिखर सम्मेलनहरूमा गरिएका आर्थिक प्रतिवद्धताहरू पुरा गर्न आह्वान गरे। अत्यधिक जलवायु जोखिममा रहेका विकासोन्मुख अर्थतन्त्र र क्षेत्रहरूलाई अनुकूलन रणनीतिहरू र क्षति न्यूनीकरण गर्न थप आर्थिक सहायता अति आवश्यक रहेको छ। जलवायु न्याय सुनिश्चित गर्न अन्तर्राष्ट्रिय सहयोग अपरिहार्य छ। नवीकरणीय ऊर्जा प्रविधि र फराकिलो आर्थिक संरचनामा हुने परिवर्तनले स्वच्छ तथा भरपर्दो ऊर्जा भविष्यका सम्भावनाहरू बढाएका छन्। यद्यपि, यो परिवर्तन हासिल गर्न राजनीतिक इच्छाशक्ति, साहस र छिटो कार्यान्वयनको खाँचो छ। बारम्बार आउने जलवायु विपत्तिहरूले जनतालाई आर्थिक कठिनाइतर्फ धकेलिरहँदा गरिबी निवारण असम्भव हुने कुरा उनले जोेड दिए।