जगदम्बा मोटर्सद्वारा भृकुटीमण्डपमा सात दिने टिभिएस एक्सचेन्ज मेला सुरु

नेपालमा टिभिएस मोटर कम्पनीको आधिकारिक वितरक जगदम्बा मोटर्स प्रालिले काठमाडौँको भृकुटीमण्डपमा साताव्यापी 'अच्चम्मैको महा एक्सचेन्ज मेला' सुरु गरेको छ। सात दिनसम्म चल्ने यस कार्यक्रमले जुनसुकै ब्रान्डका पुराना मोटरसाइकल तथा स्कुटरका धनीहरूलाई आफ्ना सवारी साधन साटेर टिभिएसका नयाँ मोडलहरू खरिद गर्ने अवसर प्रदान गरेको छ। आयोजकहरूले यस मेलालाई 'टिभिएस मा अपग्रेड गर्नु हुने हरुलाई, अब टिभिएस को महा अपग्रेड मा पाउनुहोस् अच्चम्मै को अफर' भन्ने नारासहित सञ्चालन गरेका छन्। मेलास्थलमै सवारी साधनको मूल्याङ्कन गर्ने विशेष सुविधाका साथै खरिदकर्ताहरूलाई सहज बनाउन फाइनान्सिङको व्यवस्था समेत गरिएको छ। मेला अवधिभर सवारी साधन साट्ने ग्राहकका लागि विभिन्न अफर र मूल्याङ्कनसम्बन्धी सुविधाहरू उपलब्ध गराइएको छ। नयाँ सवारी साधन खरिद गर्न चाहने ग्राहकका लागि वित्तीय भार कम गर्ने उद्देश्यले मेला आयोजना गरिएको कम्पनीका भाइस प्रेसिडेन्ट दीपक रौनियारले बताएका छन्। काठमाडौँमा सञ्चालित यस अभियान अवधिभर सवारी साधनप्रेमी तथा सर्वसाधारणको उल्लेख्य उपस्थिति रहने आयोजकको अपेक्षा छ।