टिकटकद्वारा तीन महिनामा नेपालबाट २० लाखभन्दा बढी भिडियो हटाइयो

वर्षको दोस्रो त्रैमासिक अवधिमा टिकटकले समुदाय गिल्डलाइन उल्लङ्घन गरेको भन्दै नेपालबाट २० लाखभन्दा बढी भिडियोहरू हटाएको छ। अप्रिलदेखि जुनसम्मको कार्यान्वयन प्रतिवेदन अनुसार नेपालभित्र कुल २०,३६,१९१ वटा भिडियोहरू हटाइएको हो। नियम उल्लङ्घन गरेको पाइएका भिडियोहरूमध्ये ९२.३ प्रतिशत सामग्री पोस्ट भएको २४ घण्टाभित्रै हटाइएको प्लेटफर्मले जनाएको छ। भिडियो हटाउनेसँगै सोही अवधिमा गिल्डलाइन विपरीत रहेका २७,८३,८४,४६३ वटा कमेन्टहरू पनि हटाइएको छ। यस कारबाहीबाट प्रत्यक्ष प्रसारण (लाइभ) र सामग्री सिर्जनाकर्ताहरू पनि प्रभावित भएका छन्। कुल ७,६७,२१,०९३ लाइभ सत्र र २,६७,८१,१३५ लाइभ सिर्जनाकर्ताहरूले चेतावनी सामना गरेका छन् वा उनीहरूको मुद्रीकरण सुविधा रद्द गरिएको छ। स्वचालित निगरानी प्रणालीमार्फत यस्ता सामग्री पहिचान गरी हटाइने गरिएको छ।