नेपाली टोली आईएएफ फुटबल विश्वकपका लागि चीन जाँदै

आईएसएफ फुटबल विश्वकपको २९औँ संस्करणमा प्रतिस्पर्धा गर्न २० खेलाडीसहितको २९ सदस्यीय नेपाली प्रतिनिधिमण्डल शुक्रबार चीनतर्फ प्रस्थान गर्ने भएको छ। यो प्रतियोगिता आगामी अक्टोबर १७ देखि २६ सम्म (३१ असोजदेखि ९ कात्तिक) सञ्चालन हुनेछ। यस प्रतियोगितामा १६ देखि १८ वर्ष उमेर समूहका खेलाडीहरूले सहभागिता जनाउनेछन्। महासचिव राजकुमार कार्कीका अनुसार प्रतियोगिताका लागि सुरुमा ३७२ खेलाडीहरूले प्रतिस्पर्धा गरेका थिए। उक्त प्रारम्भिक चरणबाट ४० खेलाडी पहिलो चरणको छनोटमा परेका थिए भने त्यसपछि अन्तिम २० खेलाडीहरूको नाम टुंगो लगाइएको हो। चीन जाने २९ सदस्यीय टोलीमा २० छनोट भएका खेलाडी र अन्य ९ जना पदाधिकारी तथा सदस्यहरू रहेका छन्। दश दिनसम्म चल्ने यस अन्तर्राष्ट्रिय खेलकुद प्रतियोगितामा विभिन्न देशका युवा खेलाडीहरूले प्रतिस्पर्धा गर्नेछन्। संघको निगरानीमा अन्तिम चरणको छनोट खेलहरू सम्पन्न भएपछि शुक्रबार टोली चीनतर्फ प्रस्थान गर्न लागेको हो।