रेड बुल क्रिकेट लाइभमा शोएब अख्तर विशेष अतिथी

प्रसिद्ध पूर्व अन्तर्राष्ट्रिय क्रिकेटर शोएब अख्तर बजाज पल्सरको सहकार्यमा सञ्चालन हुने रेड बुल क्रिकेट लाइभ प्रसारण कार्यक्रममा विशेष अतिथीका रूपमा आउने भएका छन्। प्रतियोगिताको दौरान हुने म्याचअघि र म्याचपछिका विश्लेषण खण्डहरूमा पूर्व तिब्र गतिका बलरले सहभागिता जनाउने घोषणा गरिएको छ। प्रसारणका क्रममा अख्तरले खेलका प्राविधिक पक्षहरूमाथि मूल्याङ्कन प्रस्तुत गर्नुका साथै पाकिस्तानी राष्ट्रिय टोलीसँगको आफ्नो करियरबाट प्राप्त अनुभवहरू साझा गर्नेछन्। यसबाहेक उनले आफ्नो अन्तर्राष्ट्रिय क्रिकेट अनुभवबारे चर्चा गर्दै नेपाली क्रिकेटको सम्भावित वृद्धि र भविष्यका सम्भावनाहरूबारे पनि विचार विमर्श गर्नेछन्। प्रतियोगितासँग जोडिएको प्रसारणमा प्रत्येक खेल अगाडि र पछाडि व्यापक विश्लेषण प्रस्तुत गरिने उल्लेख छ। कार्यक्रममा विशेष अन्तर्वार्ताहरू र खेलकुद पछ्याउने दर्शकहरूका लागि विभिन्न क्रिकेटसम्बन्धी छलफलहरू पनि समावेश हुनेछन्।